काठमाडौं । यूईएफए नेसन्स लिग फुटबल अन्तर्गत शनिबारका पाँच खेल बराबरीमा सकिएका छन् । लिग ए समूह ३ को खेलमा इङ्गल्याण्ड र इटालीले बराबरी खेल्दै अंक बाडेका छन् । दुवैले गोलरहित बराबरी खेल्दै अंक बाँडेका हुन् ।
प्रतिस्पर्धात्मक खेलमा दुवै टोलीले पाएको अवसरलाई सदुपयोग गर्न सकेनन् । त्यस्तै सोही समूहको अर्को खेलमा हंगेरीले जर्मनीलाई १–१ गोलको बराबरीमा रोक्न सफल भयो ।
त्यस्तै लिग ए को समूह ४ मा नेदरल्याण्डस् र पोल्याण्डले २–२ गोलको बराबरी खेले । त्यस्तै वेल्स र बेल्जियमबीचको खेल पनि १–१ गोलको बराबरी भएको छ ।
त्यस्तै लिग बी समूह ३ को खेलमा मोन्टेनेग्रो र बोस्निया एन्ड हर्जगोविनाबीचको खेल १–१ गोलको बराबरीमा सकियो ।
रोमानियाले भने फिनल्याण्डलाई १–० ले हरायो । लिग सी समूह १ को खेलमा लग्जेम्बर्ग टर्किएसँग २–० ले पराजित भयो ।
आज रातिका खेल
आज राति २१ः४५ बजे लिग बी समूह ४ को खेलमा नर्वे र स्वीडेन खेल्दैछन् । लिग सी समूह २ को खेलमा नर्दन आयरल्याण्ड र साइप्रसबीचको खेल खेल साँझ १८ः४५ बजे शुरु हुनेछ ।
त्यस्तै लिग २ समूह ४ को खेलमा राति २१ः४५ बजे जर्जिया र बुल्गेरिया तथा नर्थ म्यासेडोनिया र जिब्राल्टार खेल्नेछन् ।
