-
-
-
-
धादिङ । धादिङमा सवारी दुर्घटना हुँदा एक जनाको मृत्यु भएको छ । मृत्यु हुनेमा धादिङको नीलकण्ठ नगरपालिका वडा नं. १२ का ४४ वर्षीय यमबहादुर मगर रहेका छन् ।
त्रिभुवन राजपथअन्तर्गत धादिङको धुनीवेशी नगरपालिका वडा नं. ९ सिस्नेखोला सुरुङ मार्गमा ट्रक दुर्घटनामा मगरको मृत्यु भएको छ ।
नौबिसेबाट काठमाडौँतर्फ जाँदै गरेको ना५ख ७३८६ नम्बरको मालबाहक ट्रक सोही दिशातर्फ जाँदै गरेको बा३क ३४०४ नम्बरको मिनि ट्रक र बा८२प ५६४५ नम्बरको मोटरसाइकलसँग ठोक्किँदा मगरको ज्यान गएको प्रहरीले जनाएको छ ।
दुर्घटनामा घाइते नीलकण्ठ नगरपालिका वडा नं. ८ का गणेश श्रेष्ठको काठमाडौँमा उपचार भइरहेको छ ।
