-
-
-
-
काठमाडौं । प्रमुख प्रतिपक्ष दल नेकपा एमालेले संसद बैठक बहिस्कार गरेको छ । प्रमुख सचेतक विशाल भट्टराईले अर्थमन्त्री जनार्दन शर्मालाई गद्दारी र राष्ट्रघात गरेको भन्दै आरोप लगाउँदै संसद बैठक बहिस्कार गरेको बताएका हुन् ।
त्यससँगै एमालेका सांसदहरु संसद बैठक छाडेर बाहिरिएका छन् । एमाले बाहिरिए पनि संसद बैठक भने जारी छ । सभामुख अग्नि सापकोटाले संसद चलाइरहेका छन् ।
गद्दारी र राष्ट्रघात भन्ने शब्द फिर्ता लिन आग्रह गर्दै यो शब्द संसदको रेकर्डबाट हटाइएको जानकारी दिएका थिए ।
तर एमालेका प्रमुख सचेतक भट्टराईले भने कुनै पनि हालतमा शब्द फिर्ता नहुने भन्दै समूहमै बाहिरिएका थिए ।
