-
-
-
-
काठमाडौं । फुटबल लिजेन्ड डिएगो म्याराडोनाको हत्या आरोपमा हेरचाह गर्ने आठ व्यक्तिमाथि अर्जेन्टिनाको अदालतमा हत्याको मुद्दा चलाइने भएको छ ।
म्याराडोनाको उपचारमा लापरबाही गरेको आरोपमा आठ जना स्वास्थ्यकर्मीमाथि हत्याको अभियोग लगाइएको हो ।
म्याराडोनाको मृत्युको समयमा हेरचाह गर्ने डाक्टर, नर्स र एक मनोवैज्ञानिक सहित आठ जनालाई "साधारण हत्या" को आरोप लगाइएको छ ।
म्याराडोना पक्षका वकिल मारियो बाउड्रिले रोयटर्सलाई भनेका छन् - विश्वकप विजेता मृत्युको समयसम्म "असहायताको स्थितिमा" थिए।
म्याराडोनाको मृत्यु हृदयाघातका कारण नोभेम्बर २५, २०२० मा ६० वर्षको उमेरमा भएको थियो। म्याराडोनालाई इतिहासको सबैभन्दा महान् फुटबल खेलाडीहरू मध्ये एक मानिन्थ्यो ।
