-
-
-
-
काठमाडौं । नेकपा एकीकृत समाजवादी पार्टीले घरघरमा पार्टीको चुनाव चिह्न लिएर अघि बढ्न नेता कार्यकर्तालाई निर्देशन दिएको छ । हिजो सम्पन्न पहिलो केन्द्रीय परिषद्को बैठकले १७ बुँदे प्रस्ताव पारित गर्दै सो निर्णय गरेको प्रवक्ता जगन्नाथ खतिवडाले बताए ।
प्रवक्ता खतिवडाले भने “बैठकले गठबन्धन मात्रै नभई हाम्रो शक्ति र क्षमताले भ्याएसम्म घरघरमा पार्टीको चुनाव चिह्न लिएर अघि बढ्न नेता कार्यकर्तालाई निर्देशित गरेको छ ।”
बैठकले मूल्यवृद्धि नियन्त्रण, किसानलाई सहज तरिकाबाट मल बिउ बिजनको व्यवस्था, भ्रष्टाचारमाथि कारबाही,सुकुम्वासी समस्या समाधान, हैजाको रोकथाम लगायतका विषय पारित गरेको उनको भनाई छ ।
दुई दिनसम्म चलेको बैठकमा अध्यक्ष माधव कुमार नेपालको राजनीतिक प्रतिवेदनमाथि ११ समूहमा छलफल भएको थियो ।
