-
-
-
-
बैतडी । बैतडीको डिलाशैनी गाउँपालिका ६को बांगाबगरमा अटोरिक्सा र मोटरसाइकल ठोक्किदा पाँच जना घाइते भएका छन् । सु.प.प्र.०२००३प ९३६७ नम्बरको मोटरसाइकलल र सुपप्र ०१ ००१ ह ४९६७ नम्बरको अटो रिक्सा ठोक्किएको हो ।
दुर्घटनामा घाइते हुनेमा बैतडीको दोगडाकेदार गाउँपालिका १ किम्तडीका ५० वर्षीय खुइले भूल, डिलाशैनी ६ का मोटरसाइकल चालक ३५ वर्षीय भरत माल तथा सोही ठाउँका अटो चालक ४० बर्षीय मनोरथ नाथ रहेका छन् ।
यसैगरी, दार्चुलाको लेकम १ सिजालीका ३२ वर्षीय मानसिंह कार्की र उनकै ३० वर्षीय श्रीमती भागरथी कार्की रहेका छन् ।
घाइते सबै जनाको गोकुलेश्वर प्राथमिक स्वास्थ्य केन्द्र दार्चुलामा उपचार भैरहेको डिलाशैनी गाउँपालिका प्रवक्ता यज्ञराज भट्टले बताए । घाइते ३ जनाको हात, खुट्टा र पेटमा गम्भीर चोट रहेको छ ।
मोटरसाइकल गोकुलेश्वर बजारबाट पञ्ज्युनयातर्फ गइरहेको अटोलाई विपरीत दिशाबाट आउदै गरेको मोटरसाइकलले ठक्कर दिएको हो ।
