-
-
-
-
झापा । झापामा आज बिहान मोटरसाइकल दुर्घटना हुँदा एक युवकको मृत्यु भएको छ ।
मृत्यु हुनेमा फिदिम नगरपालिका वडा नं. ५ का २६ वर्षीय कुमार खनाल रहेका छन् ।
इलाका प्रहरी कार्यालय विर्तामोडका अनुसार विर्तामोड शनिश्चरे सडकखण्डमा बा४२प १२८ नंको मोटरसाइकल सडकको किनारमा पल्टिएर दुर्घटना भएको हो ।
प्रहरीले दुर्घटनास्थलमा भेटिएको नागरिकताका आधारमा उनी फिदिमको रहेको जनाएको हो ।
दुर्घटनामा परेका खनाल सडकमै मृत भेटिएको प्रहरीको भनाइ छ ।
दुर्घटना र मृत्युको बारेमा थप अनुसन्धान भइरहेको प्रहरीले जनाएको छ ।
