-
-
-
-
सुनसरी । सुनसरीको कोसी गाउँपालिका-४ स्थित भित्री सडकखण्डमा आइतबार ट्र्याक्टरले मोटरसाइकललाई ठक्कर दिँदा एक जनाको मृत्यु भएको छ ।
मृत्यु हुनेमा मोटरसाइकलमा सवार देवानगञ्ज गाउँपालिका वडा नं. ४ की ५५ वर्षीया जयमुन खातुन रहेको सुनसरीका प्रहरी नायब उपरीक्षक नरेन्द्रकुमार कार्कीले जानकारी दिए ।
को२त २१५८ नंको ट्र्याक्टरले विपरीत दिशाबाट आउँदै गरेको को २८प ९३९९ नंको मोटरसाइकललाई ठक्कर दिँदा मोटरसाइकलमा सवार ५५ वर्षीया खातुनको घटनास्थलमै मृत्यु भएको हो ।
मोटरसाइकल चालक मृतककै छोरा २५ वर्षीय जुमरात मियाँ गम्भीर घाइते भएको प्रहरीले जनाएको छ । जुमरातको अस्पतालमा उपचार भइरहेको प्रहरीले जनाएको छ ।
ठक्कर दिने सवारी साधन र चालक ४६ वर्षीय शुभका मोची जिल्ला प्रहरी कार्यालय सुनसरीको नियन्त्रणमा रहेको छ भने घटनाको विषयमा अनुसन्धान भइरहेको प्रहरीले जनाएको छ ।
