-
-
-
-
झापा । मोटरसाइकल दुर्घटनामा परेर घाइते भएका इलाम चुलाचुली गाउँपालिका वडा नं. ३ पेल्टिमारीका ३१ वर्षीय नवीन गिरीको उपचारका क्रममै मृत्यु भएको छ ।
पूर्व-पश्चिम राजमार्गको झापाको कमल गाउँपालिका वडा नं. ५ स्थित सीतापुरी सडकखण्डमा यही असार २७ गते साँझ ७ बजेतिर मोटरसाइकलमा सवार गिरी साइकलसँग जुधेर दुर्घटनामा परेका थिए ।
उनलाई घटनास्थलबाट स्थानीयवासीले उद्धार गरी दमकको आम्दा अस्पतालमा पुर्याएका थिए । टाउकोमा चोट भएको उनको आम्दामा उपचार हुन नसकेपछि थप उपचारका लागि परिवारले विराटनगरस्थित न्युरो अस्पताल पुर्याएका थिए ।
त्यहाँ उपचारका क्रममा गएराति मृत्यु भएको दमक इलाका प्रहरी कार्यालयले जनाएको छ । प्रहरीका अनुसार दुर्घटनामा परेकी साइकलमा सवार एक महिलाकोसमेत सोही अस्पतालमा उपचार भइरहेको छ ।
