-
-
-
-
काठमाडौं । नेपाली कांग्रेस निकट नेविसंघ र माओवादी केन्द्र निकट अखिल क्रान्तिकारीले गरेको प्रदर्शनमा प्रहरीले हस्तक्षेप गरेको छ ।
गभर्नर महाप्रसाद अधिकारीको राजीनामा माग गर्दै बालुबाटमा विद्यार्थीहरूले गरेको प्रदर्शनमा प्रहरीले हस्तक्षेप गरेको हो ।
१० बजे बालुवाटार ३ नम्बर गेटसँगै रहेको नेपाल राष्ट्र बैङ्कको गेटमा जम्मा भई गभर्नर अधिकारीलाई कार्यालय प्रवेशमा रोक लगाउन खोजेपछि प्रहरीले प्रदर्शनकारीलाई खेदाएको थियो ।
प्रहरीले केही प्रदर्शनकारीलाई नियन्त्रणमा लिएको छ ।
गभर्नर अधिकारी एमालेको अर्थ तथा योजना विभागका सदस्य भएको सार्वजनिक भएसँगै अधिकारीको नियुक्तिबारे बहस र आलोचना भइरहेको छ ।
