-
-
-
-
कपिलवस्तु । कपिलवस्तुमा सवारी साधनको ठक्करबाट आज दुई जनाको मृत्यु भएको छ ।
बुद्धभूमि नगरपालिका वडा नं. ९ चम्पापुरमा बसको ठक्करबाट एक जनाको मृत्यु भएको छ भने भ्यानले ठक्कर दिँदा वाणगङ्गा वडा नं. १० मा बालिकाको मृत्यु भएको छ ।
आज बा५ख ९३५० नम्बरको बसले रा७प ३५९४ नम्बरको मोटरसाइकललाई ठक्कर दिएको थियो ।
दुर्घटनामा मोटरसाइकल चालक तुलसीपुर उपमहानगरपालिका वडा नं. ९ का ३० वर्षीय सुशील केसीको मृत्यु भएको जिल्ला प्रहरी कार्यालय कपिलवस्तुका प्रवक्ता प्रहरी नायब उपरीक्षक जेसी शाहले जानकारी दिए ।
यसैगरी, वाणगङ्गा नगरपालिका वडा नं. १० भावपुरमा लु२च ४०५२ नम्बरको भ्यानले ठक्कर दिँदा नौ वर्षीय एन्जला पौडेलको मृत्यु भएको छ । बालिकाले बाटो काट्दै गर्दा भ्यानले ठक्कर दिएको हो ।
