सडक भित्तामा बस ठोकिएर आगलागी, घाइते ३३ मध्ये छ गम्भीर [फोटोफिचरसहित]

सञ्जय भट्टराई,

प्रकाशित २०७९ साउन ११ बुधबार

नवलपुर । पूर्व पश्चिम राजमार्गको नारायणघाट बुटवल सडकखण्डको दाउन्नेमा गुडिरहेको यात्रुबाहक बस अनियन्त्रित भइ सडक छेउँको भित्तामा ठोक्किएर आगलागी हुँदा ३३ जना घाइते भएका छ्न् ।

बुधबार बिहान ५ बजेको समयमा पश्चिमबाट पूर्वतर्फ आउँदै गरेको ना ५ ख ५१०० नं को बस दाउन्ने सडक खण्डको विश्वकर्मा बाबा नजिकै सडकको दायाँ छेउँमा अनियन्त्रित भइ ठोक्किएर आगलागी भएको नवलपुर प्रहरीले जनाएको छ ।

आगलागीबाट बसमा सवार ३३ जना घाइते भएका र ६ जनाको अवस्था गम्भीर रहेको प्रहरीले जनाएको छ । यसअघि पहिले प्रहरीले ३१ जनामात्र घाइते भएको बताएको थियो ।

चालक र सहचालक पनि घाइते भएकाले घाइतेको संख्या बढेर ३३ पुगेको हो । घाइतेमध्ये ८ जनाको भरतपुर र अन्यको मध्यविन्दु जिल्ला अस्पताल डण्डामा उपचार भैइरहेको प्रहरीले जनाएको छ ।