-
-
-
-
दाङ । दाङमा स्कूल बसले किच्दा तीन वर्षकी एक बालिकाको ज्यान गएको छ ।
दाङ देउखुरीको गढवामा भएको दुर्घटनामा परी मृत्यु हुनेमा गढवा गाउँपालिका वडा नम्बर ७ मानपुर, उत्तर टोलकी पूजा थापा रहेका छन् ।
जिल्ला प्रहरी कार्यालयका अनुसार न्यू मुनराइज बोर्डिङ स्कूलको ना६ख ६४३२ नम्बरको बसले किच्दा थापाको मृत्यु भएको हो ।
उनी विद्यालयमा अध्ययनरत विद्यार्थी भएको प्रहरीले जनाएको छ ।
शुक्रबार दिउँसो विद्यालयबाट घर फर्कनेक्रममा बसबाट ओर्लिएकी थापालाई बसको पछाडिको टायरले किचेको थियो ।
दुर्घटनामा गम्भीर घाइते भएकी थापाको उपचारका क्रममा लमही अस्पतालमा ज्यान गएको प्रहरीले जनाएको छ ।
स्कूलको बस चालकलाई प्रहरीले नियन्त्रणमा लिएको छ ।
