-
-
-
-
रौतहट । हराएको मोटरसाइकल फेला पारेर प्रहरीले सम्बन्धित धनीलाई हस्तान्तरण गरेको छ । भारत सितामढी ग्राम बैरगिनिया वडा नं ११ निवासी मनोजकुमार साहको नाममा रहेको भारतीय बीआर ३० एए ९१९६ नम्बरको १५० सीसीको पल्सर मोटरसाइकल साउन १७ गते हराएको थियो ।
मोटरसाइकल हराएको निवेदनपछि खोजतलास गर्दै जाँदा भदौ ५ गते चन्द्रपुर नगरपालिका ९ डुमरिया बजारमा जिल्ला ट्राफिक प्रहरी कार्यालयको टोलीले चेकिङ गर्ने क्रममा शंकास्पद देखेपछि नियन्त्रणमा लिएर अनुसन्धान शुरु गरेको थियो ।
अनुसन्धानबाट चोरीको रहेको पुष्टि भएपछि संम्बन्धित धनीलाई शुक्रबार हस्तान्तरण गरिएको जिल्ला ट्राफिक प्रहरी कार्यालय, रौतहटकी प्रमुख प्रहरी निरीक्षक बिमलाकुमारी कठायतले जानकारी दिइन् ।
भर्खरै रौतहट ट्राफिक प्रमुख भएर आएकी कठायतले ट्राफिक नियम पालना गर्न सबैमा आग्रहसमेत गरेकी छिन् ।
