-
-
-
-
बुटवल । नेत्र विक्रम चन्द विप्लवसहित चार दलले आह्वान गरेको नेपाल बन्दको असर बुटवलसहितका क्षेत्रमा सामान्य रहेको छ ।
बजार बन्द रहेको छ भने शिक्षण संस्था र हाइवे बजार बन्द छन् । यात्रुवाहक सवारी साधन पनि बन्द छन् । मेडिकल लाइन भने खुला छ ।
सडकमा बन्दकर्ता नभए पनि सुरक्षाकर्मी चोकचोकमा बसेका छन् ।
सो क्रममा प्रहरीले दाङको तुलसीपुरबाट चार जनालाई पक्राउ गरेको छ । हेमन्त ओलीसहित चार जना पक्राउ परेको विप्लव समूहका दाङ इन्चार्ज शितल ओलीले बताएका छन् ।
पक्राउ पर्ने अन्यमा संजय ओली, सुदर्शन र दिपेन्द्र रहेका छन् । उनीहरुलाई साँझ छाडिने प्रहरीले बताएको छ ।
दाङमा बन्द आह्वानका क्रममा अज्ञात समूहले एउटा टिपरमाथि आक्रमण गरेको प्रहरीले जनाएको छ ।
