-
-
-
-
काठमाडौं । पोखरा विमानस्थलबाट मुस्ताङ उडेको समिट एयरको विमान सात मिनेटमै आकस्मिक अवतरण गरेको छ ।
पोखराबाट मुस्ताङ जाँदै गरेको विमानमा गडबडी आएपछि उडेको सात मिनेटमा पुनः पोखरा विमानस्थलमै अवतरण गरिएको हो।
विमान उडेपछि पाइलटले केही गडबडी महसुस गरेका थिए ।
इण्डिकेशनमा समस्या आएको विमानलाई पाइलटले सिङ्गल इन्जिनबाट सकुशल अवतरण गराए ।
विमानमा १८ यात्रु सवार थिए। सबै यात्रुहरूको स्वास्थ्य अवस्था सामान्य रहेको छ ।
गत वैशाखमा तारा एयरको विमान मुस्ताङमा खराब मौसमका कारण दुर्घटनाग्रस्त भएको थियो । सो घटनामा २२ जनाको ज्यान गएको थियो ।
