साफ च्याम्पियनशिप फुटबल फाइनलः नेपालले एक गोल फर्कायो

हाम्रा कुरा

प्रकाशित २०७९ असोज ३ सोमबार

काठमाडौं । छैटौं संस्करणको महिला साफ च्याम्पियनसिप फुटबलको फाइनलमा अहिले नेपाल र बंगलादेशबीचको खेल भइरहेको छ । दशरथ रंगशालामा जारी खेलमा नेपाल २–१ ले पछि परेको छ । खेलको १३ औं मिनेटमै नेपालले गोल खान पुग्यो । त्यस्तै ४२ औं मिनेटमा अर्को गोल खाएको हो ।

खेलको ७० औं मिनेटमा नेपालले एक गोल फर्काएको छ । अनिता बस्नेतले नेपालका लागि गोल गरेकी छिन् । मध्यान्तरपछि सावित्रा भण्डारी साम्बा पनि मैदानमा रहेकी छिन् । रंगशालामा १६ हजारको संख्यामा दर्शक रहेका छन् ।

नेपाल पाँचौं पटक फाइनल खेलिरहेको छ । पहिलो उपाधि जित्नका लागि नेपाललाई राम्रो अवसर रहेको छ । नेपालले यसअघि चार पटक फाइनल भारतसँग हारेको थियो । एक पटक भने नेपाल सेमिफाइनलमै भारतसँग पराजित भएको थियो ।