नेसन्स लिगमा बेल्जियम र नेदरल्याण्ड्सको जित, यस्तो छ समग्र नतिजा
हाम्रा कुरा
प्रकाशित २०७९ असोज ७ शुक्रबार
1.1k
Shares
काठमाडौं । युइएफए नेसन्स लिग फुटबल अन्तर्गत बिहीबार राति भएको लिग ए ग्रुप ४ को खेलमा बेल्जियम र नेदरल्याण्ड्सले जित निकालेका छन् ।
बेल्जियमले घरेलु मैदानमा वेल्सलाई २–१ ले पराजित गर्यो । बेल्जियमको जितमा केभिन डि ब्रुएना र मिचे बात्सुयाईले गोल गरे । वेल्सका किफर मुरले एक गोल गरे ।
जितसँगै बेल्जियम ५ खेलबाट १० अंक जोडेर दोस्रो स्थानमा छ । पराजित वेल्स १ अंक जोडेर पुछारमा छ ।
समूहको अर्को खेलमा नेदरल्याण्ड्सले पोल्यान्डलाई २–० ले पराजित गर्यो । नेदरल्याण्ड्सको जितमा कोडे गाक्पो र स्टेभन वर्गवाइनले गोल गरे ।
जितसँगै अपराजित नेदरल्याण्ड्स ५ खेलबाट १३ अंक जोडेर शीर्षस्थानमा छ । पोल्यान्ड ४ अंक जोडेर तेस्रो स्थानमा छ ।
त्यस्तै लिग ए ग्रुप १ को खेलमा क्रोएसियाले डेनमार्कलाई २–१ ले तथा फ्रानसले अष्ट्रियालाई २–० ले हरायो ।
लिग सी ग्रुप १ को खेलमा टर्किएले लग्जेम्बर्गसँग ३–३ को तथा लिथुआनियाले फारोइ आइल्याण्डसँग १–१ को बराबरी खेल्यो ।
लिग सी ग्रुप ३ को खेलमा अजरबैजानले स्लोभाकियालाई २–१ ले हरायो । लिग डी ग्रुप १ को खेलमा एन्डोराले लिचस्टेनलाई २–० ले हरायो ।
