-
-
-
-
काठमाडौं । शताब्दी पुरुष सत्यमोहन जोशी अस्पताल भर्ना भएका छन् । विगत केही दिनदेखि निरन्तर कमजोर गरी खानामा अरुची भइ अस्वस्थ्य महसुस गरेपछि शुक्रबार किष्ट अस्पतालमा भर्ना भएका हुन् ।
अस्पतालका चिकित्सक तथा नर्सिङ टिम उनको निवासमा पुग्दा अघिल्लो दिनभन्दा कमजोर देखिएपछि अस्पताल ल्याएर भर्ना गरिएको अस्पतालले प्रेस विज्ञप्ति जारी गरी जनाएको छ ।
परीक्षण गर्दा उनलाई पिसाब संक्रमण, पुरानो छाती तथा मुटुको समस्या साथै हाल फैलिएको डेंगी संक्रमण पनि देखिएको अस्पतालले जनाएको छ ।
अवस्था चिन्ताजनक देखिए पनि डराइहाल्नु पर्ने स्थिति नरहेको पल्मोनोलोजिष्ट तथा इन्टरनल मेडिसिनका विभागीय प्रमुख प्रा.डा. मिलेश जंग सिजापतीले जानकारी दिएका छन् ।
