-
-
-
-
काठमाडौं । हंगेरीलाई २–० ले पराजित गर्दै इटाली यूईएफए नेसन्स लिग फुटबलको फाइनल चरणमा प्रवेश गरेको छ । सोमबार राति इटालीलाई जित दिलाउन जियाकोमो रास्पाडोरी र फेडेरिको डिमार्कोले एक–एक गोल गरे ।
२७ औं मिनेटमा रास्पाडोरीले शुरुआती गोल गरे । ५२ औं मिनेटमा फेडेरिकोले दोस्रो गोल गरे । जितसँगै लिग ए समूह ३ बाट इटाली ६ खेलबाट ११ अंक जोडेर शीर्ष स्थानमा रह्यो । हंगेरी १० अंक जोडेर दोस्रो स्थानमा रह्यो ।
यसै समूहको अर्को खेलमा जर्मनी र इङ्गल्याण्डले ३–३ गोलको बराबरी खेले । जर्मनी तेस्रो स्थानमा रह्यो भने इङ्गल्याण्ड पुछारमा रह्यो ।
