पारिवारिक कलहमा सुतेकै अवस्थामा आमा र काकाको हत्या

युवराज रेग्मी,

प्रकाशित २०७९ असोज १६ आइतबार

झापा । झापाको कमल गाउँपालिका २ मा खुकुरी प्रहार गरी दुई जनाको हत्या भएको छ। कमल गाउँपालिका २ स्थित सिमलडाँगी निवासी ५० वर्षीया चन्द्रकला माझी र ५० वर्षीय सन्तबहादुर माझीको हत्या भएको प्रहरी कार्यालय झापाले जनाएको छ ।

हत्यारा २३ वर्षीय चन्द्रबहादुर माझीले रहेको र चन्द्रले आमा चन्द्रकला र काका सन्तबहादुरलाई शनिबार राति १० बजे सुतिरहेकै ठाउँमै खुकुरी प्रहार गरी हत्या गरेको प्रारम्भिक अनुसन्धानमा खुलेको प्रहरीले जनाएको छ ।

घटना भएलगत्तै ईलाका प्रहरी कार्यालय दमकको टोलीले चन्द्रबहादुरलाई घटनास्थलबाटै पक्राउ गरेको झापाका प्रहरी प्रमुख एसपी बिश्वमणी पोखरेलले बताए ।