-
-
-
-
काठमाडौं । युरोपेली च्याम्पियन्स लिगमा रियल मड्रिडलाई आरबी लेप्जिगले ३-२ गोलले पराजित गरेको छ । आरबी लेप्जिगले मङ्गलबार रियाल मड्रिडलाई ३–२ ले घरेलु मैदानमा पराजित गर्दै च्याम्पियन्स लिगको नकआउट चरणको नजिक पुगेको हो । नकआउट चरण प्रवेश गर्ने सम्भावनालाई लेप्जिगले बलियो बनाएको छ ।
समूह एफ मा लेप्जिगले ९ अङ्क बटुलेको छ । यो शीर्षमा रहेको रियालको भन्दा एक अङ्क कम हो । यस्तै तेस्रोमा शख्तर डोनेस्क रहेको छ । शख्तर भन्दा तीन अङ्क बढी लेप्जिगको छ । अब अर्को साता लाेप्जिगले शख्तरकै सामना गर्नेछ ।
रियाल मड्रिडले अन्तिम १६ को लागि क्वालिफाई गरिसकेपछि, प्रबन्धक कार्लो एन्सेलोटीले धेरै युवा खेलाडीलाई मैदानमा उतारेका थिए । योसँगै लेप्जिगको टोली मड्रिडमाथि हाबी हुन पुगेको थियो । लेप्जिगका लागि जास्को जिभारडिल, क्रिस्टोफर एनकुनु र टिमो वार्नरले गोल गरेका थिए ।
