-
-
-
-
काठमाडौं । नेपालको राष्ट्रिय क्रिकेट टिमले युनाइटेड अरब इमिरेट्स यूएईसँग त्रिवि मैदानमा तीन एकदिवसीय अन्तर्राष्ट्रिय खेलको शृंखला खेल्नेछ ।
नेपालले पहिलो खेल कात्तिक २८ गते, दोस्रो खेल ३० गते र तेस्रो खेल मंसिर २ गते खेलिनेछ । शृंखलाका लागि यूएई टिम शनिबार राति नै नेपाल आइसकेको छ ।
नेपालको कप्तानका रुपमा रोहितकुमार पौडेललाई नियुक्त गरिएको छ । आधिकारिक कप्तानका रुपमा रोहितको यो पहिलो शृंखला हुनेछ ।
त्रिवि मैदानमा गएर नेपाल र यूएईबीचको खेल हेर्ने दर्शकका लागि टिकटको मूल्य २०० निर्धारण गरिएको छ ।
