काठमाडौं । प्रतिनिधि सभा सदस्यमा पदको शपथ ग्रहण कार्यक्रममा १७ जना सांसद अनुपस्थित रहेका संघीय संसद सचिवालयले जनाएको छ । बिहीबार दिउँसो भएको शपथ ग्रहण कार्यक्रममा उनीहरु उपस्थित नभएका संसद सचिवालयका प्रवक्ता रोजनाथ पाण्डेले जानकारी दिए ।
पाण्डेका अनुसार अनुपस्थित १७ जना सांसदहरूको शपथ पछि हुनेछ । तर उनीहरुले नआउने बारेमा कुनै जानकारी गराएको उल्लेख छैन । यता बिमार भएर पनि नेकपा एकीकृत समाजवादीका अध्यक्ष माधवकुमार नेपाल भने अस्पतालबाट सिधै शपथ खान पुगे ।
निमोनियाबाट ग्रस्त उनी तीन दिनदेखि शिक्षण अस्पताल महाराजगञ्जमा उपचाररत छन् ।
