-
-
-
-
काठमाडौं । प्रधानमन्त्री पुष्पकमल दाहाल प्रचण्डले पदभार ग्रहण गरेका छन् । सोमबार साँझ सिंहदरबारस्थित प्रधानमन्त्री तथा मन्त्रिपरिषद्को कार्यालय पुगेर प्रचण्डले पदभार ग्रहण गरेका हुन् ।
राष्ट्रपति विद्यादेवी भण्डारीले शपथग्रहण गराएपछि उनी सिधै लैनचौरस्थित शहीद स्मृति स्मारक पुगेका थिए । सो स्मारकमा प्रधानमन्त्रीले शहीदप्रति श्रद्धाञ्जली अर्पण गरे ।
राष्ट्रपति कार्यालय शीतल निवासमा नेपालको ४४औँ प्रधानमन्त्रीका रुपमा पद तथा गोपनीयताको शपथ लिएपछि नवनियुक्त प्रधानमन्त्री दाहाल लैनचौर पुगेर शहीदप्रति श्रद्धाञ्जली अर्पण गरेका हुन् ।
त्यसपछि उनी सिंहदरबार आएर पदभार ग्रहण गरेका थिए ।
