स्वस्तिक आयल इन्डस्ट्रिजलाई विराटनगर भन्सार कार्यालयद्वारा सम्मान
हाम्रा कुरा
प्रकाशित २०७९ माघ १४ शनिबार
871
Shares
काठमाडौँ। केएल दुगड समूह अन्तर्गतको स्वस्तिक आयल इन्डस्ट्रिज प्रालिलाई विराटनगर भन्सार कार्यालयले राजस्व सङ्कलनमा सबैभन्दा बढी योगदान पुर्याएको भन्दै सम्मान गरेको छ। आव २०७८–७९ मा त्यस कार्यालयका राजस्व सङ्कलनमा सबैभन्दा बढी योगदान पुर्याएको चर्चा गर्दै उक्त कार्यको उच्च कदर गर्दै अन्तर्राष्ट्रिय भन्सार दिवसको अवसरमा स–सम्मान प्रशंसा पत्र प्रदान गरिएको थियो।
साथै भन्सार कार्यालयले विगतमा जस्तै आगामी दिनमा पनि राजस्व सङ्कलनमा सहयोग रहने अपेक्षा गरेको कुरा सम्मान पत्रमा उल्लेख गरेको छ। स्वस्तिक आयल इन्डस्ट्रिज, स्वस्तिक सोयाबिन तेल, धारा हेल्थ, सन्फ्लो सन्फ्लावर आयल जस्ता उत्कृष्ट ब्रान्डहरू उत्पादन गर्ने कम्पनी हो र विगतका वर्षहरूमा पनि उत्कृष्ट निर्यात गर्ने कम्पनीको रूपमा सम्मानित हुँदै आएको कम्पनी हो।
