-
-
-
-
पोखरा । नेपाल विद्यार्थी संघ (नेविसंघ) कास्कीको अध्यक्षको जिम्मेवारी नसिव गुरुङले पाएका छन् । संघका केन्द्रीय अध्यक्ष टुजाङ शेर्पाले गत सोमबार गुरुङलाई अध्यक्षको जिम्मेवारी दिएका हुन् ।
नेपाली कांग्रेस कास्कीले माघ ११ गते पठाएको पत्र बमोजिम नै गुरुङलाई अध्यक्षको जिम्मेवारी दिइएको बताइन्छ । अध्यक्षको जिम्मेवारी पाएका गुरुङले अबको तीन महिनाभित्र जिल्ला अधिवेशन सम्पन्न गर्नुपर्नेछ ।
अधिवेशन हुन नसक्दा नेविसंघ कास्की लामो समयदेखि नेतृत्वविहीन छ ।
जसका कारण नेविसंघका इकाइको सामान्य गतिविधिबाहेक जिल्लागत रुपमा कुनै पनि गतिविधि हुन सकेका छैनन् ।
