विपक्षी दलले आज उम्मेदवारको नाम टुङ्ग्याउने

हाम्रा कुरा

प्रकाशित २०७९ माघ २२ आइतबार

काठमाडौँ। नेपाली कांग्रेस नेतृत्वको विपक्षी दलको बैठक आज पनि बस्ने भएको छ । राष्ट्रियसभा उपाध्यक्ष निर्वाचनमा विपक्षी दलका तर्फबाट साझा उम्मेदवार छान्न बैठक बस्ने भएको हो । आज बस्ने बैठकबाट साझा उम्मेदवारको नाम टुङ्गो लाग्नेछ ।

हिजो पनि उम्मेदवार चयनका लागि सिंहदरबारस्थित नेपाली कांग्रेस संसदीय दलको कार्यालयमा बैठक बसेको थियो ।

कांग्रेसले राष्ट्रियसभा उपाध्यक्ष निर्वाचनमा उम्मेदवारी दिने घोषणा गरे पनि नाम भने अझै सार्वजनिक गरेको छैन। काँग्रेसले यसअघि नै पदाधिकारी बैठकबाट राष्ट्रियसभा उपाध्यक्षमा उम्मेदवारी दिने निर्णय गरिसकेको छ।