साफ च्याम्पियनशिप उपाधि भिडन्त, मध्यान्तरसम्म नेपाल २–० ले पछाडि
हाम्रा कुरा
प्रकाशित २०७९ माघ २६ बिहिबार
743
Shares
काठमाडौं । दक्षिण एसियाली फुटबल महासंघ (साफ) महिला यू–२० च्याम्पियनशिप फुटबल प्रतियोगिताको फाइनलमा नेपाल र घरेलु टोली बंगलादेश भिडिरहेका छन् । बंगलादेशले ढाकास्थित वीर श्रेष्ठ शहीद सिपाही मुस्तफा कमल स्टेडियममा जारी फाइनलमा मध्यान्तरसम्म नेपाल २–० ले पछाडि रहेको छ ।
बंगलादेशले ४२ औं मिनेटमा पहिलो गोल गरेको हो । मध्यान्तरअघिको इन्जुरी समयमा अर्को गोल थप्दै बंगलादेशले २–० को अग्रता बनाएको छ । समूह चरणमा नेपाल बंगलादेशसँग पराजित भएको थियो । गत मंगलबार नेपालले भारतलाई ३–१ ले हराएर फाइनल प्रवेशको ऐतिहासिक मौका पाएको थियो ।
गत मंगलबार सम्पन्न लिग चरणको अन्तिम खेलमा भुटानलाई ५–० ले पराजित गर्दै बंगलादेशले फाइनलमा स्थान सुरक्षित गरेपछि फाइनलमा नेपाल र बंगलादेश भिडिरहेका हुन् ।
यस जितसँगै तीन खेलमा सात अंक जोडेको बंगलादेश शीर्ष स्थानमा रह्यो भने तीनै खेलमा पराजय ब्यहोरेको भुटान अंकविहीन हुँदै बाहिरिए पछि बंगलादेश फाइनलमा पुगेको हो ।
भुटानसँग बंगलादेशको यो जितसँगै भारत बाहिरिनु परेको थियो । भारतले तीन खेलमा चार अंक जोडे पनि फाइनलमा प्रवेश गर्न भने पाएन । नेपाल छ अंकसहित फाइनलमा पुगेको हो । नेपालले भारत र भुटानलाई हराउँदा बंगलादेशसँग पराजित भएको थियो ।
भारतलाई हराएर आएको नेपाल र भुटानलाई हराएर फाइनलमा पुगेको घरेलु टोली बंगलादेशबीचको खेल रोमाञ्चक हुने अनुमान गरिएको छ । नेपाललाई बदला लिनसमेत अवसर मिलेको छ । तर मध्यान्तरसम्मको खेल भने नेपालका लागि सुखद रहेन ।
