-
-
-
-
झापा । ए डिभिजन क्लब संकटा क्लब झापाको भद्र्पुरमा जारी झापा गोल्डकप फुटबलको सेमिफाइलमा प्रवेश गरेको छ । आज भएको खेलमा आयोजक भद्रपुर ब्लेजर्सलाई पराजित गर्दै संकटा अन्तिम चारमा पुगेको हो ।
झापाको भद्रपुरमा जारी प्रथम मुस्ताङ भद्रपुर झापा गोल्डकपको सेमिफाइनल यात्राका क्रममा संकटा क्लबले भद्रपुरलाई १–० ले पराजित गरेको हो ।
मेची रंगशालामा मंगलबार भएको पहिलो क्वार्टरफाइनल खेलमा संकटा क्लबका खेलाडी मनिष डाँगीले गरेको गोल नै निर्णायक बनेको थियो । उनले खेलको पाँचौँ मिनेटमा गोल गरेका थिए ।
खेलको प्लेयर अफ द म्याच संकटाका गोलरक्षक टिकेन्द्रसिंह थापा बन्न सफल भए । उनले नगद रु २० हजार पुरस्कार हात पारे ।
बुधबारको दोस्रो क्वार्टरफाइनलमा चर्च ब्वाइज र मछिन्द्र क्लब खेल्नेछन् ।
