आर्मी झापा गोल्डकपको सेमिफाइनलमा, भुटानी टिम पराजित

युवराज रेग्मी,

प्रकाशित २०७९ फागुन ११ बिहिबार

झापा । त्रिभुवन आर्मी क्लब झापाको भद्रपुरमा जारी भद्रपुर झापा गोल्डकप फुटबलको सेमिफाइनलमा प्रवेश गरेको छ । बिहीबार भएको क्वार्टरफाइनलमा भुटानको ड्रक ल्हायुल एफसी क्लबलाई २—० गोल अन्तरले पराजित गर्दै आर्मी क्लब अन्तिम चारमा प्रवेश गरेको हो ।

आर्मीलाई जित दिलाउन जितेन्द्र कार्की र सुशान्त चौधरीले एक–एक गोल गर्न सफल भए । शुरुआती तेस्रो मिनेटमै जितेन्द्र कार्कीले गोल गर्दै आर्मीलाई खेलमा अग्रता दिलाए ।

१—० ले पछाडि परेको भुटानी टीमले खेलको ६४ औँ मिनेटमा आर्मीका सुशान्त चौधरीले अर्को गोल गर्दै जित सुनिश्चित गरेका थिए ।

जितसँगै आर्मीले फाइनल प्रवेशका लागि शनिबार संकटा क्लबसँग प्रतिस्पर्धा गर्ने छ ।