झापा गोल्डकपको उपाधि आर्मीलाई, मछिन्द्र टाइब्रेकरमा पराजित

हाम्रा कुरा

प्रकाशित २०७९ फागुन १६ मंगलबार

झापा । झापामा सम्पन्न आमन्त्रित मुस्ताङ प्रथम भद्रपुर झापा गोल्डकप फुटबलको उपाधि त्रिभुवन आर्मी क्लबले जितेको छ । फाइनलमा साविक शहीद स्मारक ए डिभिजन लिग विजेता मछिन्द्र क्लबलाई पराजित गर्दै आर्मीले उपाधि जितेको हो ।

टाइब्रकेरमा निर्णायक बनेको खेलमा मछिन्द्रलाई ४–३ ले पराजित गर्दै आर्मीले उपाधि जितेको हो । निर्धारित ९० मिनेट र अतिरिक्त समयमा पनि कुनै गोल नभमएपछि खेल टाइब्रेकरमा निर्णायक बनेको हो ।

निर्धारित ९० मिनेटमा दुवैतर्फ भएका अनेकौँ प्रयासहरु विफल भएकाथिए । निर्धारित समयमा गोलरहित बराबरीको अवस्थामा १४ मिनेट थप गरिएको थियो ।

उपाधिसँगै आर्मीले नगद १३ लाख ट्रफी, मेडल र प्रमाण पत्र प्राप्त गरेको छ भने उपविजेता बनेको मछिन्द्र क्लबले नगद ७ लाख ट्रफी, मेडल र प्रमाण पत्र प्राप्त गरेको छ ।

गत फागुन ७ गतेबाट भएको भद्रपुर झापा गोल्डकपमा तीन विदेशी टोलीसहित १० टिमको सहभागिता रहेको थियो ।