-
-
-
-
काठमाडौं । प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्ड विरुद्धको रिटमाथिको सुनुवाइ सकिएको छ ।
न्यायाधीश विश्वम्भरप्रसाद श्रेष्ठको इजलासमा उक्त रिटको सकिएको हो । प्रचण्ड विरुद्ध सर्वोच्च अदालतमा दायर रिटको सुनुवाइ हिजो हेर्न नभ्याउनेमा पुगेर स्थगित भएको थियो ।
आज रिट निवेदकको तर्फबाट अधिवक्ताहरु ज्ञानेन्द्र आरण, बालकृष्ण न्यौपाने, दिनेश त्रिपाठी, डा.सुरेन्द भण्डारी, शिवकुमार यादव ले बहस गरेका थिए । सुनुवाइ सकिएसँगै अब आदेश आउदैछ ।
२०७३ साल माघ १ गते काठमाडौंको टुँडिखेलमा आयोजित एक कार्यक्रममा प्रचण्डले द्वन्द्वकालीन समयमा मारिएका १७ हजारमध्ये पाँच हजार जनाको हत्याको जिम्मेवारी आफूले लिने बताएका थिए ।
सो अभिव्यक्तिबमोजिम उनीमाथि छानबिन तथा अभियोजन हुनुपर्ने माग गर्दै ज्ञानेन्द्रराज आरण, कल्याण बुढाथोकीलगायत सशस्त्र द्वन्द्वका पीडितले सर्वोच्चमा रिट दायर गरेका थिए ।
