कार्यव्यवस्थामा दलीय प्रतिनिधित्व, कुन दलका कति प्रतिनिधि ?

हाम्रा कुरा

प्रकाशित २०७९ चैत २२ बुधबार

काठमाडौं । प्रतिनिधि सभाको कार्यव्यवस्था परामर्श समिति बैठकमा दलीय प्रतिनिधित्वको संख्या टुंगिएको छ । बुधबार बसेको सभामुख देवराज घिमिरे, उपसभामुख ईन्दिरा रानासहित प्रतिनिधि सभामा प्रतिनिधित्व गर्ने दलहरुको बैठकले कार्यव्यवस्था परामर्श समिति बैठकमा सहभागी हुने दलीय प्रतिनिधित्वको संख्या टुंग्याएको सभामुखका प्रेस सल्लाहकार शेखर अधिकारीले जानकारी दिए ।

बैठकले कार्यव्यवस्थामा सभामुख, उपसभामुख, कानूनमन्त्रीसहित २१ जना सहभागी हुने गरी संख्या टुंग्याएको हो । जसअनुसार कांग्रेसबाट ६, एमालेबाट ५, माओवादी केन्द्रबाट २, राष्ट्रिय स्वतन्त्र पार्टी, राप्रपा, जसपा, एकीकृत समाजवादी, जनमत, लोसपा, नागरिक उन्मुक्ति र एक सिट भएका र स्वतन्त्रसमेत गरी एक एक जना कार्यव्यवस्था परामर्श समिति बैठकमा सहभागी हुनेछन् ।