सङ्क्रमणकालीन न्यायसम्बन्धी विधेयकलाई टुङ्गोमा पुर्याउन संसदीय विशेष समिति गठन हुने
हाम्रा कुरा
प्रकाशित २०८० वैशाख ११ सोमबार
470
Shares
काठमाडौँ। प्रमुख तीन दलका शीर्षनेताबीच सङ्क्रमणकालीन न्यायसम्बन्धी विधेयकलाई टुङ्गोमा पुर्याउन संसदीय विशेष समिति गठन गर्ने सहमति भएको छ। सिंहदरबारस्थित प्रधानमन्त्री तथा मन्त्रिपरिषद्को कार्यालयमा सोमबार बसेको काँग्रेस, एमाले र माओवादी केन्द्रका शीर्षनेताहरुबीच सङ्क्रमणकालीन न्यायसम्बन्धी विधेयकमाथि छलफल गरेर निष्कर्षमा पुग्न संसदीय विशेष समिति गठन गर्ने पनि सहमति भएको एमालेका प्रमुख सचेतक पदम गिरीले जानकारी दिए।
उनका अनुसार काङ्ग्रेसबाट सभापति शेरबहादुर देउवा र प्रमुख सचेतक रमेश लेखक, एमालेबाट अध्यक्ष केपी ओली, संसदीय दलका उपनेता सुवास नेम्वाङ र प्रमुख सचेतक पदम गिरी माओवादीबाट अध्यक्ष तथा प्रधानमन्त्री पुष्पकमल दाहाल प्रचण्डसहित प्रमुख सचेतक हितराज पाण्डे सहभागी बैठकमा सङ्क्रमणकालीन न्यायसम्बन्धी विधेयकमाथि छलफल गर्न १५ सदस्यीय विशेष समिति गठन गर्ने सहमति जुटेको हो।
प्रतिनिधिसभामा सत्य निरूपण तथा मेलमिलाप आयोग र बेपत्ता व्यक्तिको छानबिन आयोगसम्बन्धी ऐन संशोधन गर्न बनेको विधेयक पेस गरिएको छ।
