-
-
-
-
काठमाडौं । नेपालले घरेलु भूमिमा जारी एनएससी–काभा अन्तर्राष्ट्रिय महिला भलिबल प्रतियोगितामा विजयी शुरुआत गरेको छ ।
राष्ट्रिय खेलकुद परिषद (राखेप) को कभर्डहलमा सोमबार भएको पहिलो खेलमा नेपालले कीर्गिस्तानलाई हरायो । नेपाल ३–० को सोझो सेटमा विजयी भएको हो ।
नेपालले कीर्गिस्तानलाई २५–११, २५–९ र २५–११ ले हराएको हो । जितसँगै समूह ‘ए’ को नेपालले ३ अंक जोडेको छ ।
अब नेपालले दोस्रो खेलमा मंगलबार बंगलादेशसँग खेल्नेछ ।
ुसोमबारकै अन्य खेलमा भारत र उज्वेकिस्तान विजयी भए । उज्वेकिस्तानले श्रीलंकालाई ३–० ले तथा भारतले बंगलादेशलाई ३–० ले हराएको हो ।
राखेपको विशेष सहयोग तथा नेपाल भलिबल संघको आयोजनामा जारी प्रतियोगितामा ८ टोलीको सहभागिता रहेको छ।
समूह ए मा नेपालसहित भारत बंगलादेश र कीर्गिस्तान छन् । समूह बी मा श्रीलंका, माल्दिभ्स, काजकिस्तान र उज्वेकिस्तान रहेका छन् ।
राउन्ड रोविन लिग पछि शीर्ष २ टोलीले सेमिफाइनलमा र पुछारमा रहेका दुई टोलीले वरीयताका लागि प्रतिस्पर्धा गर्नेछन् ।
प्रतियोगिताको प्रधानमन्त्री पुष्पकमल दाहाल प्रचण्डले उद्घाटन गरेका थिए ।
