-
-
-
-
काठमाडौं। नेपालस्थित चिनियाँ दूतावासका उपप्रमुख राष्ट्रिय स्वतन्त्र पार्टी (रास्वपा) को पार्टी कार्यालय वसुन्धरा पुगेका छन् । चिनियाँ दूतावासका उपप्रमुख वाङ शिन बिहीबार रास्वपा का नेतासँग भेट गर्न पार्टी कार्यालय वसुन्धरा पुगेका हुन् ।
रास्वपाका नेता र उपप्रमुख शिनबीच भेटवार्ता भएको छ । पार्टीका उपसभापति डोलप्रसाद अर्याल, सहमहामन्त्री कविन्द्र बुर्लाकोटी, केन्द्रीय सदस्य प्रतिभा रावललगायतको सहभागिता रहेको भेटघाटमा नेपाल र चीनका आपसी चासोका विषयमा छलफल भएको थियो ।
“उहाँ पार्टीसँग केही समयअघि देखि नै भेटघाट गर्न इच्छुक हुनुहुन्थ्यो । बिहीबारको भेटको खास एजेण्डा केही थिएन, शिष्टाचार भेटवार्ता भएको हो”, पार्टीका केन्द्रीय सदस्य रावलले भने ।
