संविधानको अपमान त पूर्व राष्ट्रपतिबाटै भयो

संविधानको अपमान त पूर्व राष्ट्रपतिबाटै भयो – प्रधानमन्त्री प्रचण्ड

हाम्रा कुरा

प्रकाशित २०८० जेठ २४ बुधबार

काठमाडौं । प्रधानमन्त्री पुष्पकमल दाहाल प्रचण्डले पूर्व राष्ट्रपति विद्यादेवी भण्डारीबाट संविधानको अपमान भएको बताएका छन् । नागरिकता विधेयक प्रमाणीकरण नगरेर पूर्व राष्ट्रपतिले संविधानको हनन गरेको उनले बताएका हुन् ।

राष्ट्रिय सभाको बैठकमा सांसदहरुको जिज्ञासाको जवाफ दिँदै प्रधानमन्त्री प्रचण्डले संसदका दुवै सदनले दुई पटक पास गरेर पठाएको नागरिकता विधेयक प्रमाणीकरण नगरी थन्क्याएर राख्ने अधिकार पूर्व राष्ट्रपतिमा नभएकाले जहाँबाट कडि छुटेको हो त्यहीँबाट जोडिदिएर वर्तमान राष्ट्रपतिबाट फुकुवा गरेको बताए ।

उनले भने, ‘अदालतमा पुगिसकेको कुरालाई हामी हेरौँ । म विश्वास के गर्छु भने अदालतले पनि संविधानको मर्म र भावना विपरीत गएर पक्कै पनि केही गर्दैन ।’