नेपालगञ्जबाट साढे १७ लाखको अवैध सामग्रीसहित ट्रक नियन्त्रणमा

सौरभ गिरी,

प्रकाशित २०८० असार १२ मंगलबार

नेपालगञ्ज । जिल्ला प्रहरी कार्यालय बाँकेले एउटा ट्रकसहित भारतबाट भन्सार छली गरी ल्याइएको ठूलो परिमाणको तेल र चिनी बरामद गरेको छ।

बाँके प्रहरीको टोलीले गएराति नेपालगञ्ज १२ कोरियनपुरबाट भन्सार छलेर ल्याइएको ३ हजार किलो चिनी , ३ हजार लिटर स्वायबिन तेल , ५० पोका सुपरपावर सुर्तीसहित भे १ ख ३३४८ नम्बरको ट्रक नियन्त्रणमा लिएको जिल्ला प्रहरी कार्यालय बाँकेले जनाएको छ।

जिल्ला प्रहरी कार्यालय बाँकेका अनुसार नियन्त्रणमा लिइएको ट्रकसहित बरामद गरिएका सबै अवैध सामाग्रीको मूल्य १७ लाख ५२ हजार रुपैयाँ रहेको छ।