-
-
-
-
काठमाडौं । कोशी प्रदेशमा प्रधानमन्त्री पुष्पकमल दाहाल प्रचण्डका ज्वाइँ जीवन आचार्य अर्थमन्त्री बन्ने भएका छन् ।
माओवादी केन्द्रका अध्यक्ष समेत रहेका प्रचण्डका कान्छा ज्वाइँ आचार्य आर्थिक मामिला तथा योजना मन्त्रीमा आज नियुक्त हुँदै छन् ।
आचार्यले अर्थमन्त्री पाएसँगै कोशीमा माओवादी केन्द्र आज सरकारमा सहभागी हुँदैछ । प्रचण्डका ज्वाइँ आचार्यले आजै शपथ लिने कार्यक्रम रहेको छ ।
यसअघि नेकपा एमालेका हिक्मतकुमार कार्की नेतृत्वको सरकारमा आचार्य पर्यटन मन्त्री थिए ।
मुख्यमन्त्री उद्धव थापाले प्रचण्डका ज्वाइँसहित माओवादीबाट राजेन्द्र कार्की र नेपाली कांग्रेसबाट रामकुमार खत्रीलाई मन्त्री नियुक्त गर्न लागेका छन् ।
बिहीबार मुख्यमन्त्री नियुक्त भएका थापाले शुक्रबार शपथ ग्रहण गरेका थिए ।
सो दिन नेपाली कांग्रेस र एकीकृत समाजवादीका एक-एक जनालाई मन्त्री नियुक्त गरेपनि माओवादी केन्द्र सहभागी भएको थिएन ।
