- सुन चाँदी दर
- विनिमय दर
- नेपाली पात्रो
- राशिफल
काठमाडौं । राष्ट्रिय सभा अध्यक्ष गणेशप्रसाद तिमिल्सिनाले प्रधानमन्त्री पुष्पकमल दाहाल प्रचण्डलाई शीर्ष नेताहरूको बैठक राखी समस्याको समाधान गर्न आव्हान गरेका छन् ।
आज बसेको बैठकमा एमालेले अवरोध गरेपछि तिमिल्सिनाले यस्तो आव्हान गरेका हुन् ।
प्रधानमन्त्री प्रचण्डले एक प्रसङ्गमा प्रितम सिंह आफूलाई प्रधानमन्त्री बनाउन दिल्ली गएको बताएपछि त्यसैलाई लिएर एमालेले सदन अवरुद्ध गर्दै आएको हो । एमालेले लगातार चार दिनदेखि संसद अवरोध गर्दै आएको छ ।
तिमिल्सिनाले संसद सुचारु गर्न प्रधानमन्त्रीलाई सत्तापक्ष र प्रतिपक्षका शीर्ष नेताहरूको बैठक राखी आपसी संवादको माध्यमबाट उपयुक्त निष्कर्ष निकाल्न आव्हान गरेका छन् ।