तीन शीर्ष नेताबीच गोप्य सहमति, एमालेले सदन खुलाउने, प्रचण्डले सम्बोधन गर्ने, देउवा साक्षी

हाम्रा कुरा

प्रकाशित २०८० असार २५ सोमबार

काठमाडौँ । प्रमुख प्रतिपक्षी दल नेकपा एमाले संघीय संसदमा देखिएको गतिरोध अन्त्य गर्न सहमत भएको छ । सिंहदरबारमा सोमबार दिउँसो प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच भएको छलफलमा संसदको अतिरोध अन्त्य गर्न सहमति जुटेको हो ।

बैठकबाट बाहिरिने क्रममा एमाले अध्यक्ष ओली सहमतिबारे सदनमै थाहा हुने प्रतिक्रिया दिए । प्रधानमन्त्री प्रचण्डले आफू संसदमा सम्बोधन गर्न जान लागेको बताए ।

यसअघि हिजोको बैठक पनि सहमतिमा पुगेको भनिए पनि बीचमै अलमल भएर प्रतिनिधि सभा बैठक आजसम्मका लागि सारिएको थियो । तर आजको राष्ट्रिय सभा बैठक स्थगित भएपछि फेरि समस्या आएको थियो ।