-
-
-
-
काठमाडौं । राजर्षिजनक विश्वविद्यालयको उपकुलपतिमा प्रा डा अमरप्रसाद यादव (फुलबरिया-४ सिरहा) लाई नियुक्त गरिएको छ ।
प्रधानमन्त्री एवं राजर्षिजनक विश्वविद्यालयका कुलपति पुष्पकमल दाहाल ‘प्रचण्ड’ ले सिफारिस समितिको सिफारिसमा मंगलबार उनलाई नियुक्त गरेका हुन् ।
सिफारिस भएका तीन जनामध्येबाट प्रा डा यादवलाई नियुक्त गरिएको हो ।
उपकुलपतिको लागि प्रा डा महानन्द चालिसे (रत्ननगर-९ चितवन) र प्रा डा क्षितिज उपाध्याय ढुङ्गेल (जनकपुरधाम, धनुषा) को नाम समेत सिफारिस भएको थियो ।
‘राजर्षिजनक विश्वविद्यालयको उपकुलपति नियुक्तिको लागि सिफारिस गर्न गठित सिफारिस समितिको कार्यसम्पादनसम्बन्धी कार्यविधि, २०७९’ बमोजिमको प्रक्रिया पूरा गरी सो सिफारिस समितिको निर्णयअनुसार राजर्षिजनक विश्वविद्यालय ऐनबमोजिम तीन जनाको नाम सिफारिस गरिएको थियो ।
