प्रधानमन्त्री आफैँले पदबाट राजीनामा गर्नुपर्ने हो : ओली [भिडियो]

गृहमन्त्री र अर्थमन्त्रीहरूले त राजीनामा नगरेर कसरी बस्न सकेको हो ?

हाम्रा कुरा

प्रकाशित २०८० साउन २८ आइतबार

काठमाडौँ । प्रमुख प्रतिपक्ष दल नेकपा (एमाले) का अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्ड आफैँले पदबाट राजीनामा गर्नुपर्ने बताएका छन् ।

आइतबार पार्टी केन्द्रीय कार्यालय, च्यासलमा आयोजित पत्रकार सम्मेलनमा प्रधानमन्त्रीको राजीनामा माग्दै उनले यस्तो बताएका हुन् ।

उनले भने, 'प्रधानमन्त्री पनि यति अयोग्य, यति नालायक, यति भ्रष्ट सरकारको यस्तो भ्रष्टाचारको चाङमाथि उभिएर म नेतृत्व गर्छु भन्न अप्ठ्यारो हुनुपर्ने हो वहाँ आफैँ राजीनामा गर्नुपर्ने हो ।'

उनले गृहमन्त्री र अर्थमन्त्रीले राजीनामा नदिनु ठूलो आश्चर्यको विषय भएको बताए । उनले भने, 'गृहमन्त्री र अर्थमन्त्रीहरूले त राजीनामा नगरेर कसरी बस्न सकेको हो । यो ठूलो आश्चर्यको विषय हो ।'