सनी सेक्यूरिटिजले पायो धितो पत्रसम्बन्धी पूर्ण कार्य गर्ने ब्रोकर लाइसेन्स
हाम्रा कुरा
प्रकाशित २०८० भदौ ६ बुधबार
914
Shares
काठमाडौँ। सनी सेक्यूरिटिज कम्पनी लिमिटेड (ब्रोकर नं. ४२) ले धितो पत्र बोर्डबाट बुधवार धितो पत्रसम्बन्धी पूर्ण कार्य गर्ने धितो पत्र दलाल अनुमति (ब्रोकर लाइसेन्स) प्राप्त गरेको छ।
पूर्ण कार्य गर्ने ब्रोकर लाइसेन्स प्राप्त भएपछि कम्पनीले लगानी परामर्श सेवा, लगानी व्यवस्थापन, मार्जिन कारोबारलगायतका सेवाहरू उपलब्ध गराउनेछ।
२०६४ सालमा १ करोड ६० लाख चुक्ता पुँजीबाट आफ्नो कारोबार सुरु गरेको कम्पनीले आवश्यकता अनुसार चुक्ता पुँजी वृद्धि गर्दै हाल आफ्नो चुक्ता पुँजी ६० करोड पुर्याई सम्पूर्ण ग्राहक वर्गमा उच्चतम सेवा सुविधा दिँदै आएको छ।
पूर्ण कार्य गर्ने ब्रोकर लाइसेन्स लिने क्रममा कम्पनीलाई साथ र सहयोग प्रदान गर्ने सम्पूर्ण नियामक निकाय, शेयर लगानीकर्ता, शुभेच्छुक तथा ग्राहक वर्गमा आभार व्यक्त गर्दै कम्पनीका कार्यकारी अध्यक्ष सन्तोष पौडेलले भने, “पूर्ण कार्य गर्ने ब्रोकर लाइसेन्स प्राप्त गरेसँगै कम्पनीको जिम्मेवारी र दायित्व पनि थपिएको छ। अब हामी थप जिम्मेवार बन्दै सम्पूर्ण शेयर लगानीकर्तालाई उच्चतम सेवा प्रवाह गर्नेछौँ।”
यससँगै कम्पनीले सूचना प्रविधिमा लगानी विस्तार गर्दै मुलुकका ७ वटै प्रदेशमा आफ्नो सेवा विस्तार गर्ने लक्ष्य लिएको उनले बताए।
