काठमाडौँका सीडीयोले भने- महानगरले खुलामञ्च ताला लगाएर बन्द गर्न पाउँदैन
हाम्रा कुरा
प्रकाशित २०८० असोज १४ आइतबार
1.5k
Shares
काठमाडौं । काठमाडौँका प्रमुख जिल्ला अधिकारी (सीडीयो) जितेन्द्र बस्नेतले काठमाडौं महानगरपालिकाले खुला मञ्चमा ताला लगाएर बन्द गर्न नपाउने बताएका छन् ।
आइतबार सडक सुरक्षा तथा ट्राफिक सचेतना सप्ताह-२०८० कार्यक्रममा बोल्दै प्रमुख जिल्ला अधिकारी बस्नेतले यस्तो बताएका हुन् ।
उनले विगतमा खुला मञ्चमा सबैले खुला रूपमा प्रदर्शन तथा अभिव्यक्ति राख्ने ठाउँ भएकाले अहिले पनि खुला मञ्च खुलामञ्चकै रूपमा प्रयोगमा आउनु पर्ने बताए । उनले खुलामञ्च नेपाल सरकारको भएकाले महानगर वा सङ्घीय सरकारले कसले प्रयोग गर्ने विषयमा तत्काल निर्णय हुन आवश्यक रहेको बताए ।
उनले खुला मञ्चमा महानगरले ताला लगाएर बन्द गरेर राख्ने प्रदर्शनकारीहरूले माइतीघरमा आन्दोलन र प्रदर्शन गर्दा ट्राफिक व्यवस्थापन गर्न समस्या भएको बताए । उनले खुला मञ्चमा सुरक्षित रूपमा प्रदर्शन तथा आन्दोलन गर्न दिए माइतीघरदेखि वानेश्वरसम्मको दैनिकी ट्राफिक व्यवस्थापन सहज हुने बताए ।
