काठमाडौँ । भारतीय क्रिकेट कप्तान विश्वकप क्रिकेटमा कीर्तिमान रचेका छन् । उनले विश्वकपमा सात शतक बनाएका छन् ।
अफगानिस्तानविरुद्ध नयाँदिल्लीको अरुण जेट्ली स्टेडियममा बुधबार भएको खेलमा ८४ बलमा १३१ रन बनाएका रोहितले विश्वकपमा सर्वाधित शतक बनाउने रेकर्ड आफ्नो नाममा लेखाएका हुन् ।
उनले १९ खेलमा सात शतक बनाएर कीर्तिमान रचेका हुन् । यसअघि भारतीय लिटिल मास्टर सचिन तेन्दुलकरको ४४ खेलमा बनेको छ छक्कासँग सन् २०१९ को विश्वकपमै रोहितले बराबरी गरेका थिए । अष्ट्रेलियन पूर्व कप्तान रिक्की पोन्टिङले ४२ खेलमा पाँच छक्का हानेका छन् ।
रोहितले सन् २०१५ मा एउटा तथा सन् २०१९ मा पाँच शतक बनाएका थिए । उनको करियरको यो एक दिवसीयको ३१ औँ शतक हो । उनले रिक्की पोन्टिङलाई पछाडि छाडेका छन् । सचिन तेन्दुलकरको नाममा ४९ तथा विराट कोहलीको नाममा ४७ शतक रहेको छ ।
रोहितले ६३ बलमा शतक पूरा गर्दै विश्वकपमा सबैभन्दा कम बलमा शतक बनाउने भारतीय खेलाडीसमेत बनेका छन् । यसअघि सन् १८८३ मा कपिलदेवले जिम्बाब्वेविरुद्ध ७२ बलमा शतक बनाउने रेकर्ड भारतीयका तर्फबाट राखेका थिए ।
त्यसैगरी रोहितले सर्वाधिक छक्का प्रहार गर्ने कीर्तिमान पनि तोडेका छन् । उनले ५५६ छक्का प्रहार गरेका छन् । उनले क्रिस गेलको नाममा रहेको ५५३ छक्काको कीर्तिमान रोहितले तोडेका हुन् । रोहितले टी–२० मा ७७, टेष्टमा १८२ तथा एक दिवसीयमा २९७ छक्का हानेका हुन् ।
रोहितले विश्वकपको १९ इनिङ्समा एक हजार रन पूरा गरेर कम इनिङ्समा १००० रन पूरा गर्ने कीर्तिमानको समेत डेभिड वार्नरसँग बराबरी गरे ।
