-
-
-
-
काठमाडौँ । इजरेलमा हमासको आक्रमणमा परी ज्यान गुमाएका आनन्द साहको अत्येष्टि गरिएको छ ।
आनन्दको धनुषा लक्ष्मीनियाँ गाउँपालिका–४ सपहीमा दाह संस्कार गरिएको हो ।
आनन्दको शव सपही पुग्दा पूरै गाउँ भाव विह्वल बनेको थियो ।
उनको शव शनिवार साँझ नै दाहसंस्कार गरिएको छ ।
आनन्दको शवलाई उनको काकाको छोरा बेचन साहले दागबत्ती दिएका थिए ।
हमासको आक्रमणमा परी उनको २७ दिनअघि मृत्यु भएको थियो ।
नेपालमा शव आएसँगै नेपाली सेनाको विमानबाट उनको शव शनिवार साढे ४ बजे जनकपुरधाम विमानस्थलमा लगिएको थियो ।
विमानस्थलबाट नेपाली सेनाकै टोलीले आनन्दको शव सपहीसम्म पुर्याएको थियो ।
