साना र मझौला उद्योगहरु अर्थतन्त्रको मेरुदण्ड : राष्ट्रपति [भिडियो]

हाम्रा कुरा

प्रकाशित २०८० कार्तिक २० सोमबार

काठमाडौँ । राष्ट्रपति रामचन्द्र पौडेलले साना र मझौला उद्योगहरु नेपालको अर्थतन्त्रको मेरुदण्ड भएको बताएका छन् । सोमवार काठमाडौंमा आयोजित एशिया प्यासिफिक चेम्बर्स अफ कमर्स एण्ड इण्डस्ट्री कन्फेडेरेशनलाई सम्बोधन गर्दै यस्तो बताएका हुन्।

साना र मझौला उद्योगहरुले रोजगारी सिर्जना गर्ने भएकाले आवश्यक प्रवद्र्धन गर्नुपर्नेमा जोड दिए । उनले दिगोपन भविष्यको अधारशिला रहेको भन्दै दिगो विकासका लक्ष्य हासिल हुनेगरी काम गर्न आवश्यक रहेको बताए ।

उनले उद्यमशीलता भनेको व्यवसाय शुरु गर्नुमात्रै नभएको भन्दै नवप्रवर्तनलाई अंगाल्ने, विविधतालाई सबलीकरण गर्ने र हाम्रा समुदायले सामना गर्ने ठूला चुनौति समाधान गर्ने सबैभन्दा बलियो आधार उद्यमशीलता भएको दाबी गरे ।