-
-
-
-
यो धर्तीमा पहिले पाइला टेकेको दिन
म जन्मिदा मेरा बा आमाको मुहारमा खुशी छाएको दिन
दुःख रित्तिएको दिन ।
सूर्य चन्द्रकै प्रकाश जस्तो
मेरो मुहारको मुस्कान रहिरहोस्
मेरो प्रत्येक पाइलाहरूमा
खुशी र उत्साहले साथ दिइरहोस् ।
चाहेको कुरा सबै नमिले पनि
खुशीले मन भरिनै रहोस्
आशाको दीप सदा जलिनै रहोस् ।
अल्झिन सक्छु होला चौबाटोमा
सकारात्मक समाधान मिलोस्
परिश्रमी छन् मेरा इन्द्रियहरू
माटो खन्न सक्ने बल मिलोस् ।
खुशीले चुमोस् हरेक दिन
हर रात सुनौलो होस्
जतातिर मेरो कदम पर्छ
त्यहाँ फूलहरुको बर्सात् होस् ।
